ᐃᖅᑲᓇᐃᔮᒃᓴᖅ ᓄᓇᓕᓐᓂ ᐃᑲᔪᖅᑎᐅᓗᓂ

ᐃᖅᑲᓇᐃᔮᒃᓴᖅ ᓄᓇᓕᓐᓂ ᐃᑲᔪᖅᑎᐅᓗᓂ

  • ᔫᓂ 2022 – ᔫᓂ 31, 2024
  • ᐃᖅᑲᓇᐃᔮᒃᓴᖅ 15 -25ᓂᒃ ᐃᕐᕋᕐᓂᒃ ᐱᓇᓱᐊᕈᓯᖅ
  • ᒪᕐᕉᓐᓄᑦ ᐊᕐᕌᒍᓄᑦ | ᐊᕐᕌᒍᓕᒫᖅ ᐅᔾᔨᖅᓱᖅᑕᐅᕕᖃᕐᓗᓂ
  • $46-$54/ᐃᑲᕐᕋᖅ ᐊᑭᓕᖅᓱᖅᑕᐅᒐᔭᖅᑐᖅ
  • ᐃᖅᑲᓇᐃᔮᖃᓚᐅᖅᓯᒪᓂᖓ ᓇᓗᓇᐃᖅᓯᒐᔭᖅᑐᖅ ᐊᑭᓕᖅᓱᖅᑕᐅᓂᖓᓂᒃ. ( ᐃᑲᕐᕋᖃᖃᑦᑕᖅᐸᑦ 20ᓂᒃ ᐱᓇᓱᐊᕈᓯᖅᑕᒫᑦ ᐅᑯᐊ ᐃᓚᓕᐅᑎᓯᒪᒐᔭᖅᑐᑦ ᐅᑭᐅᖅᑐᒥᐅᑕᐅᓂᖓᓄᑦ)
  • ᐋᓐᓂᐊᖃᕐᓇᖏᑦᑐᓕᕆᔾᔪᑎᒃᓴᓄᑦ ᐊᒻᒪᓗ ᑭᒍᑎᓕᕆᔭᐅᔾᔪᑎᒃᓴᓄᑦ ᐃᑲᔪᖅᑕᐅᒍᓐᓇᕈᑎᓂᒃ ᐊᒻᒪᓗ ᐊᑭᓕᖅᓱᖅᑕᐅᓗᓂ ᐅᐸᒍᓐᓇᖏᑉᐸᑦ ᖃᓂᒪᒧᑦ
  • ᖃᒪᓂᖅᑐᐊᒥ ᓄᓇᕗᑦᐃᖅᑲᓇᐃᔮᒃᓴᖅ ᐊᑐᐃᓐᓇᐅᔪᖅ ᐃᓄᓐᓄᑦ ᓄᓇᑖᖃᑕᐅᓯᒪᔪᓄᑦ ᑭᓯᐊᓂ ᑐᕌᖓᔪᖅ. ᐃᖅᑲᓇᐃᔭᒃᓴᖅᑖᕋᓱᐊᒍᒪᒍᕕᑦ ᖃᕆᓴᐅᔭᒃᑯᑦ ᑐᔪᐃᒍᓐᓇᖅᑐᑎᑦ ᐅᕗᖓ: ᐅᕝᕙᓘᓐᓃᑦ ᑎᑎᕋᖅᓯᒪᔪᖁᑎᑎᑦ ᑐᓂᔭᖅᑐᕐᓗᒋᑦ ᐊᐃᑐᐊᓐ ᑕᒍᓐᓈᒧᑦ, ᐃᒡᓗ ᓯᓂᑦᑕᕐᕕᒻᒧᑦ ᐃᓪᓗᕈᓯᖅ 14ᒧᑦ

ᐃᓕᓐᓂᐊᖅᓯᒪᓂᖃᕐᓃᑦ, ᐃᖅᑲᓇᐃᔭᖅᑎᐅᓯᒪᑦᑎᐊᕐᓂᖓ ᐊᒻᒪᓗ ᐃᓅᓯᕆᓯᒪᔭᖓᓂᒃ ᐃᓱᒪᖅᓴᖅᓯᐅᕈᑎᐅᓂᐊᖅᑐᑦ ᐃᖅᑲᓇᐃᔮᒃᓴᒧᑦ. ᐱᕈᖃᑎᒌᑦ ᑲᑎᕝᕕᖓᑦ ᐃᓕᖅᑯᓯᖃᑎᒌᑦᑐᓂᒃ ᐃᖅᑲᓇᐃᔭᖅᑎᑦᓯᔨᐅᔪᑦ. ᐃᖅᑲᓇᐃᔮᒃᓴᒧᑦ ᓂᕈᐊᖅᑕᐅᓐᓂᕈᕕᑦ, ᐃᓕᓐᓄᑦ ᐊᑲᐅᓈᕈᑎᒋᐊᓕᓐᓂᒃ ᐱᔭᕇᐊᖃᕈᕕᑦ ᑐᓴᖅᑎᑦᓯᒋᐊᖃᖅᑐᑎᑦ.

ᐃᖅᑲᓇᐃᔮᕐᕕᒋᒐᔭᖅᑕᖏᑦ 

ᐱᕈᖃᑎᒌᑦ ᑲᑎᕝᕕᖓᑦ ᐱᓕᕆᕕᐅᔪᖅ ᐃᓕᖅᑯᓯᖏᓐᓂᒃ ᐃᑉᐱᒍᓱᑦᓯᐊᖅᑐᒥᒃ ᐊᒻᒪᓗ ᐃᓄᓐᓄᑦ ᑐᕌᖓᔪᓂᑦ ᐃᑉᐱᒍᓱᑦᑎᐊᖅᑐᑎᒃ, ᑭᒡᒐᖅᑐᐃᔨᐅᔪᑦ ᐊᒻᒪᓗ ᐃᑲᔪᖅᓱᐃᔨᐅᔪᑦ ᐃᓄᓐᓂᑦ ᐊᒻᒪᓗ ᐃᓚᔮᖏᓐᓂᒃ ᐃᒥᐊᓗᒻᒧᑦ ᐃᑦᑕᑦᑕᐅᓯᒪᓂᕐᒧᑦ/ ᖃᐅᔨᓴᖅᑕᐅᓂᑯᓂᑦ. (ᐃᓪᓕᐊᒥ ᐃᒥᐊᓗᒻᒧᑦ ᐃᑦᑕᑦᑕᐅᓯᒪᓂᖅ). 

ᐱᕈᖃᑎᒌᒃᑯᑦ ᑮᓇᐅᔭᓂᒃ ᐊᑐᒐᒃᓴᖏᓐᓂᒃ ᑐᓂᔭᐅᕋᑖᕐᓂᑯᐃᑦ ᐃᑲᔪᕈᑎᒃᓴᓂᒃ ᓗᑖᒥ ᓄᑕᖅᑲᓄᑦ ᖃᐅᔨᓴᖅᑎᐅᒐᔭᖅᑐᒥᒃ ᐃᓪᓕᐊᒥ ᐃᒥᐊᓗᒻᒧᑦ ᐃᑦᑕᑦᑕᐅᓯᒪᓂᕐᒧᑦ ᖃᐅᔨᓴᕈᑎᒃᓴᓂᒃ ᓄᓇᕗᒻᒥᐅᓄᑦ ᓄᑕᖅᑲᓄᑦ/ᐃᓅᓱᑦᑐᓄᑦ ᐃᓚᔮᖏᓐᓄᓪᓗ ᐱᓕᕆᔾᔪᑎᒃᓴᓂᒃ ᑭᕙᓪᓕᕐᒥᐅᓄᑦ ᐊᒻᒪᓗ ᕿᑭᖅᑖᕐᒥᓄᑦ. ᐃᑲᔫᑎᒃᓴᓂᒃ ᐊᒻᒪᓗ ᑐᙵᕕᒋᔭᐅᒻᒥᔪᑦ ᕿᑎᕐᒥᐅᑦ ᐃᓅᓯᓕᕆᕕᖓᓄᑦ ᐃᖃᓗᒃᑑᑦᓯᐊᒥ. 

ᓄᓇᓕᓐᓂ ᐃᑲᔪᖅᑎ ᐃᖅᑲᓇᐃᔮᓴᖅ ᐱᕈᖃᑎᒌᒃᑯᓐᓄᑦ ᐃᖅᑲᓇᐃᔭᒃᓴᕆᒐᔭᖅᑕᖏᑦ ᐃᓕᓴᐅᑎᒃᓴᓂᒃ ᐃᑲᔫᑎᒃᓴᓂᒃ ᐃᓅᓯᓕᒫᖏᓐᓄᑦ ᐊᑑᑎᖃᕋᔭᖅᑐᓂᒃ ᐃᓄᓐᓄᑦ ᐊᒻᒪᓗ ᐃᓚᔮᕆᓄᑦ ᓄᓇᕗᒻᒥ. ᐃᖅᑲᓇᐃᔮᒃᓴᕆᒐᔭᖅᑕᖏᑦ ᑭᒡᒐᖅᑐᐃᕙᓪᓗᓂ ᐃᑲᔫᖅᓱᐃᕙᓪᓗᓂ ᓄᑕᖅᑲᓂᒃ, ᐃᓅᓱᑦᑐᓂᒃ ᐊᒻᒪᓗ ᐃᓚᔮᖏᓐᓂᒃ. ᐊᑐᕐᓂᖃᓪᓚᕆᓐᓂᐊᖅᑐᖅ ᐃᖅᑲᓇᐃᔭᖃᑎᖃᑦᓯᐊᕈᓐᓇᕐᓗᓂ ᑲᑐᔾᔨᖃᑎᖃᑦᓯᐊᕈᓐᓇᕐᓗᓂ ᐃᑉᐱᒍᓱᑦᑎᐊᕐᓗᓂ ᖃᓄᐃᓂᖓᓂᒃ ᐃᑲᔪᖅᑕᐅᔭᕆᐊᓕᒃ ᖃᓄᐃᖏᑦᓯᐊᖅᑐᒦᖁᓪᓗᒍ ᐱᔨᒃᓯᕈᑎᖏᓐᓂᒃ ᐱᕈᖃᑎᒌᒃᑯᑦ ᐊᒻᒪᓗ ᖃᐅᔨᓴᖅᑎᐅᕙᑦᑐᓂᒃ ᐃᒥᐊᓗᒻᒧᑦ ᐃᑦᑕᑦᑕᐅᓯᒪᓂᖅ. 

ᐱᓕᕆᐊᒃᓴᕆᒐᔭᖅᑕᖏᑦ, ᐊᓯᖏᓐᓂᓪᓗ ᐱᔭᒃᓴᖃᖅᑎᑕᐅᓚᐅᖃᑦᑕᕋᔭᖅᑐᖅ: ᑕᑯᔭᒃᓴᓂᒃ ᐸᕐᓇᐃᔨᐅᓗᓂ ᐊᐅᓚᑦᓯᔨᐅᓗᓂ

  • ᐃᑲᔪᖅᓱᐃᔨᐅᓗᓂ ᐃᓚᔮᕆᓂᒃ ᐸᕐᓇᐅᑎᓗᓂᒋᑦ, ᐅᖄᓚᐅᖅᑎᒃᑯᑦ, ᖃᕆᓴᐅᔭᒃᑯᓪᓘᓐᓃᑦ, ᑲᑎᒪᖃᑎᒋᓗᒋᓘᓐᓃᑦ/ᖃᕆᓴᐅᔭᒃᑯᑦ ᑕᑯᓐᓇᕐᓇᖅᑐᒃᑯᓪᓘᓐᓃᑦ ᐃᓂᒃᓴᓕᐅᕆᓚᐅᙱᓐᓂᖏᓐᓂᒃ ᖃᐅᔨᓴᖅᑎᐅᓂᐊᖅᑐᓂᒃ.
  • ᐃᑲᔪᕈᑎᒃᓴᐅᒐᔭᖅᑐᓂᒃ ᐃᑲᔪᖃᑦᑕᕋᔭᖅᑐᖅ ᐃᓚᔮᕇᓄᑦ ᖃᓄᖅᑑᕈᑎᒃᓴᓂᒃ ᑕᑯᔭᐅᒌᖅᓯᒪᓕᖅᑎᓪᓗᒋᑦ ᐃᑲᔪᖅᑕᐅᔭᕆᐊᓖᑦ (ᐃᓕᓴᑎᑕᐅᒍᓐᓇᕋᔭᖅᑐᑎᑦ)
  • ᐃᑲᔪᖅᓱᐃᔨᐅᓗᓂ ᖃᐅᔨᓴᖅᑕᐅᓂᐊᖅᑐᓂᒃ ᐃᓪᓕᐊᒥ ᐃᒥᐊᓗᒻᒧᑦ ᐃᑦᑕᑦᑕᐅᓯᒪᓂᖅ ᐊᑐᕐᓂᐊᖅᑎᓪᓗᒋᑦ ᖃᓄᑐᐃᓐᓇᖅ ᐃᑉᐱᒋᔭᖏᓐᓂᒃ ᐃᑲᔪᖅᓱᕐᓗᒍ ᐊᒻᒪᓗ ᖃᐅᔨᓴᐅᑎᐅᕋᑖᖅᑐᓂᒃ ᑐᓴᖅᑎᑕᐅᓕᖅᑎᓪᓗᒍ.
  • ᐃᑲᔪᕈᓐᓇᕋᔭᖅᑐᓄᑦ ᓄᓇᓕᖏᓐᓂ ᐃᑲᔫᑎᖃᕋᔭᖅᑐᓂᒃ ᐱᔨᒃᓯᖃᑦᑕᖅᑐᓂᒃ ᐃᑲᔪᕐᓗᒍ.
  • ᓄᓇᓕᓐᓂ ᐱᓕᕆᕕᐅᔪᓂᑦ ᐃᖅᑲᓇᐃᔭᖃᑎᖃᖃᑦᑕᕐᓗᓂ ᑲᑐᔾᔨᖃᑎᖃᕐᓗᓂ
  • ᐊᑐᐃᓐᓇᖅᑎᑦᓯᓗᓂ ᐃᓛᒃᑯᑦ/ᐊᒥᓱᓄᓪᓘᓐᓃᑦ ᐃᓕᓴᐅᑎᒃᓴᓂᒃ ᐊᒻᒪᓗ ᐃᑲᔪᕈᑎᒃᓴᓂᒃ ᓄᑕᖅᑲᓄᑦ/ᐃᓄᓱᑦᑐᓄᑦ ᐊᒻᒪᓗ ᐃᓚᔮᖏᓐᓄᑦ ᖃᐅᔨᓴᖅᑕᐅᒍᑎᓂᒃ ᐊᑐᕈᒪᙱᑦᑐᓄᑦ

    ᐃᑦᑕᑦᑕᐅᓯᒪᓂᖅ ᒥᒃᓵᓄᑦ (ᐃᓕᓴᑎᑕᐅᒐᔭᖅᑐᖅ. ᐊᒥᓲᓗᐊᓕᖅᑲᑕ ᑲᒪᒋᔭᒃᓴᐃᑦ ᑕᑯᔭᐅᒍᒪᔪᓄᑦ, ᐃᖅᑲᓇᐃᔭᖅᑎᒃᓴᒥᒃ ᐋᖅᑭᓱᒃᓱᐃᒍᓐᓇᕋᔭᖅᑐᒍᑦ) 

  • ᐊᓯᖏᓐᓄᑦ ᐱᔨᒃᓯᕈᑎᒋᕙᑦᑕᑦᑎᓐᓂᒃ ᐊᑐᐃᓐᓇᕈᖅᐸᓪᓕᐊᔭᑦᑎᓂᒃ ᐃᓕᓴᐅᑎᒃᓴᓂᒃ ᑲᒪᒋᔭᖃᖅᐸᓪᓗᓂ (ᐃᓕᓴᑎᑦᓯᒍᓐᓇᕋᔭᖅᑐᒍᑦ ᐊᑲᐅᓈᖅᑐᓂᒃ ᐃᓕᓐᓄᑦ)

  • ᐱᓕᕆᖃᑎᖃᕈᓐᓇᑦᓯᐊᕐᓗᓂ ᐱᔨᒃᓯᖅᑕᒥᓂᒃ ᐊᒻᒪᓗ ᐃᓚᔮᖏᓐᓂᒃ ᑕᑯᔭᐅᒋᐊᖃᙱᑦᑐᑦ ᑭᒃᑯᑐᐃᓐᓇᕐᓄᑦ ᐱᔨᖅᑕᐅᔪᓄᑦ ᑐᕌᖓᔪᑦ ᕿᒥᕐᕈᔭᐅᒋᐊᖃᕐᖏᓪᓚᕆᑦᑐᑦ ᐋᖅᑭᑦᓯᐊᖅᓯᒪᔭᕆᐊᓖᑦ

  • ᖃᕆᓴᐅᔭᒃᑯᑦ ᑎᑎᕋᖅᑐᑦ ᕿᒥᕐᕈᓯᒪᑦᓯᐊᖃᑦᑕᕐᓗᒋᑦ ᑭᐅᓴᕋᐃᖃᑦᑕᕐᓗᒋᓪᓗ

  • ᑭᒡᒐᖅᑐᐃᔨᐅᓗᓂ ᐱᕈᖃᑎᒌᒃᑯᓐᓄᑦ ᒪᓕᓪᓗᒋᑦ ᐊᑐᐊᒐᖏᑦ ᐊᒻᒪᓗ ᐱᔨᒃᓯᕈᑎᐅᔪᑦ ᑐᓴᐅᒪᑎᑦᓯᔨᐅᓗᓂᓗ ᐱᓕᕆᖃᑎᒋᒋᐊᖃᖅᑕᖏᓐᓄᑦ ᑲᑐᔾᔨᖃᑎᒋᕙᑦᑕᖏᓐᓄᑦ

  •  ᐊᓯᖏᓐᓂᒃ ᐱᔭᒃᓴᖃᖅᑕᐅᒍᓐᓇᕋᔭᕐᒥᔪᖅ ᑎᓕᔭᐅᓗᓂ ᖃᐅᔨᒪᓂᖃᕆᐊᖃᖅᑐᖅ, ᐊᔪᙱᑕᖃᕐᓗᓂ & ᐱᔪᓐᓇᕐᓂᖃᕐᓗᓂᓗ 

ᖃᐅᔨᒪᓂᖃᕆᐊᖃᖅᑐᖅ, ᐊᔪᙱᑕᖃᕐᓗᓂᓗ & ᐱᔪᓐᓇᕐᓂᖃᕐᓗᓂ, ᐊᓯᖏᓐᓂᓗ ᐅᑯᐊ:

  • ᐃᓅᓗᓂ ᐃᓅᓯᖓᓂ ᐊᑐᓚᐅᖅᓯᒪᔭᖃᕐᓂᕈᓂ ᑐᑭᓯᐊᓂᖓ ᐊᑐᖅᓯᒪᓂᖓᓗ ᐊᑑᑎᖃᕈᓐᓇᖅᑐᖅ ᓄᓇᕗᒻᒥ
  • ᐃᓅᒃᑎᑑᑦᓯᐊᕈᓐᓇᕐᓗᓂ ᐅᖃᕈᓐᓇᑦᑎᐊᕐᓗᓂ ᑎᑎᕋᕈᓐᓇᑦᑎᐊᕐᓗᓂᓗ ᐊᒻᒪᓗ ᐱᔨᑦᓯᕈᓐᓇᑦᓯᐊᕐᓗᓂ ᓄᓇᕗᒻᒥᐅᓄᑦ ᑕᐃᒪᐃᓐᓄᑦ.
  • ᖃᐅᔨᒪᓂᖃᕐᓗᓂ ᐃᓄᐃᑦ ᖃᐅᔨᒪᔭᑐᖃᖏᓐᓂᒃ ᑐᙵᕕᐅᕙᑦᑐᓂᒃ, ᐃᓕᖅᑯᓯᖏᓐᓂᓪᓗ; ᐃᓚᓕᐅᔾᔨᒍᓐᓇᕐᓗᓂᓗ ᐃᖅᑲᓇᐃᔭᕐᕕᒻᒥ ᐃᓄᐃᑦ ᐱᒻᒪᕆᐅᒋᔭᖏᓐᓂᒃ.
  • ᑐᑭᓯᐅᒪᓂᖃᕐᓗᓂᓗ ᓯᕗᓕᖏᑦᑕ ᐃᓄᐃᑦ ᐃᓕᖅᑯᓯᖏᑦ ᐊᓯᔾᔨᖅᐸᓪᓕᐊᓂᕆᓯᒪᔭᖏᓐᓂᑦ ᑎᑭᑕᐅᕙᓪᓕᐊᓕᖅᑎᓪᓗᒋᑦ ᐱᒋᐊᖅᑐᒍ, ᓴᐱᓕᖅᓯᒪᙱᓐᓂᖏᓐᓂᓪᓗ ᐃᑉᐱᒋᓗᒋᑦ, ᐃᓕᖅᑯᓯᖏᓪᓗ ᒪᑭᑉᐸᓪᓕᐊᒃᑲᓐᓂᕈᑎᒃᓴᖏᓐᓂᒃ, ᐊᒻᒪᓗ ᓄᓇᕗᒻᒥᐅᑦ ᐃᓄᐃᑦ ᐱᕙᓪᓕᐊᖁᓪᓗᒋᑦ 
  • ᖃᕆᓴᐅᔭᓕᕆᒍᓐᓇᑦᓯᐊᕐᓗᓂ; ᐃᓕᓴᒍᓐᓇᑦᓯᐊᕐᓗᓂᓗ ᖃᓄᖅ ᖃᕆᓴᐅᔭᒃᑯᑦ ᑐᓴᐅᒪᖃᑎᒌᒍᑎᓂᒃ, ᑲᑎᒪᑎᑦᓯᖃᑦᑕᕈᓐᓇᕐᓗᓂ, ᐊᐅᓚᑦᓯᒍᓐᓇᕐᓗᓂ ᐊᑐᐃᓐᓇᐅᔪᓂᑦ ᑐᓴᐅᒪᔾᔪᑎᓂᒃ ᖃᕆᓴᐅᔭᒃᑯᑦ ᐃᓕᓴᒍᒪᓂᖃᕈᓐᓇᕐᓗᓂ, ᐊᒡᓚᕕᒻᒥ ᐊᑐᖅᑕᐅᓲᓂᒃ ᖃᐅᔨᒪᓂᖃᕐᓗᓂ.

  • ᐋᖅᑭᒃᓱᐃᒍᓐᓇᑦᓯᐊᕐᓗᓂ ᐸᕐᓇᓯᒪᑦᓯᐊᕈᑎᒃᓴᓂᒃ ᐊᐅᓚᑦᓯᒍᓐᓇᕐᓗᓂ ᐃᓅᖃᑎᖃᑦᓯᐊᕐᓂᕐᒥᑦ (ᐊᓯᒥᓂᒃ ᐃᑉᐱᐊᔪᖁᑎᖃᕈᓐᓇᕐᓗᓂ, ᑲᒪᑦᓯᐊᕈᓐᓇᕐᓗᓂᓗ, ᑐᙵᓱᑦᑎᑦᓯᓂᖅ(ᑐᙵᓇᑦᓯᐊᕐᓗᓂ, ᑐᙵᓴᐃᕙᓪᓗᓂ ᑭᒃᑯᓕᒫᓄᑦ) ᐱᕈᖃᑎᒌᒃᑯᑦ ᑲᑎᕝᕕᖓᓅᖅᑐᓄᑦ; ᐃᑉᐱᓐᓂᐊᔪᖁᑎᖃᑦᓯᐊᕈᓐᓇᕐᓗᓂ.

  • ᐃᖅᑲᓇᐃᔮᖃᕈᓐᓇᕐᓗᓂ ᑐᑭᓯᒐᓱᐊᖅᓯᒪᓂᖃᕐᓗᓂ ᖃᓄᖅ ᐊᒃᓱᕈᐊᓪᓚᓐᓂᑯᒥᓂᕐᓂᒃ ᐊᒻᒪᓗ ᐃᓪᓕᐊᒥ ᐃᒥᐊᓗᒻᒧᑦ ᐃᑦᑕᑦᑕᐅᓯᒪᓂᖅ ᒥᒃᓵᓄᑦ ᐱᔨᑦᓯᓐᓂᐊᖅᑕᖏᓐᓂᒃ ᑲᒪᑦᓯᐊᕈᓐᓇᕐᓂᕐᒥᑦ ᐃᖅᑲᓇᐃᔭᖃᑎᖏᓐᓂᓪᓗ (ᐃᓕᓴᑎᑕᐅᒍᓐᓇᕐᒥᔪᖅ); ᐃᖅᑲᓇᐃᔭᖃᑎᒋᔭᐅᑦᓯᐊᕈᓐᓇᕐᓗᓂᓗ. 

ᐃᖅᑲᓇᐃᔮᖃᓚᐅᖅᓯᒪᓐᓂᕈᓂ ᐅᑯᓂᖓ ᐊᑲᐅᓂᖃᓪᓚᕆᓐᓂᐊᖅᑐᖅ 

  • ᐃᖅᑲᓇᐃᔮᖃᖃᑦᑕᕐᓂᑰᓐᓂᕈᓂ ᐃᓪᓕᐊᒥ ᐃᒥᐊᓗᒻᒧᑦ ᐃᑦᑕᑦᑕᐅᓯᒪᓂᖃᖅᑐᓂᒃ/ᐊᔪᕈᑎᖃᖅᑐᓪᓘᓐᓃᑦ
  • ᑐᑭᓯᐊᓂᖃᕐᓗᓂ ᖃᐅᔨᒪᓂᖃᕐᓗᓂ ᐸᖅᑭᔨᐅᔪᓂᑦ ᐊᒻᒪᓗ ᐃᓚᔮᖏᓐᓂᒃ ᖃᓄᖅ ᐃᑲᔪᖅᑕᐅᒍᑎᒃᓴᖏᓐᓂᒃ
  • ᐃᖅᑲᓇᐃᔮᖃᓚᐅᖅᓯᒪᓐᓂᕈᓂ ᐋᓐᓂᐊᕕᓕᐊᖅᑐᓄᑦ ᐸᐃᑉᐹᓕᕆᔭᐅᕙᑦᑐᓂᒃ ᐊᑑᑎᖃᕋᔭᖅᑐᖅ
  • ᐃᓕᓐᓂᐊᕆᐊᓚᐅᖅᓯᒪᓐᓂᕈᓂ ᐃᖅᑲᓇᐃᔭᒃᓴᖅᑖᕆᒐᓱᐊᖅᑕᖓᑕ ᒥᒃᓵᓄᑦ ᐊᑑᑎᖃᕋᔭᖅᑐᓂᒃ 

ᐊᓯᖏᑦ ᑐᓴᐅᒪᔭᐅᒋᐊᓖᑦ

  • ᐱᕈᖃᑎᒌᑦ ᑲᑎᕝᕕᖓᑦ ᐃᓕᓴᑎᑦᓯᒐᔭᖅᑐᑦ ᑐᑭᓯᐅᒪᒍᑎᒃᓴᓂᒃ ᐃᓪᓕᐊᒥ ᐃᒥᐊᓗᒻᒧᑦ ᐃᑦᑕᑦᑕᐅᓯᒪᓂᖅ ᐊᒻᒪᓗ ᐊᒃᓱᕈᐊᓪᓚᕈᑎᖃᖅᑐᓄᑦ ᒥᒃᓵᓄᑦ
  • ᐃᓕᓴᐅᑎᒃᓴᓄᑦ ᐱᕚᓪᓕᕈᑎᒃᓴᓂᒃ ᐊᑐᐃᓐᓇᐅᔪᖃᓕᕋᐃᑉᐸᑦ ᐃᓕᓴᑎᑕᐅᖃᑦᑕᕋᔭᖅᑐᖅ
  • ᐃᖅᑲᓇᐃᔮᒃᓴᖅ ᐃᑲᕐᕋᐃᑦ 15ᒥᑦ 25ᒧᑦ ᐱᓇᓱᐊᕈᓯᖅᑕᒫᑦ ᐃᓛᓐᓂᒃᑯᑦ ᐅᖓᑖᓄᕈᓐᓇᕐᓗᓂ. ᐊᕐᕌᒍᒃ ᒪᕐᕉᒃ ᐊᓂᒍᕋᓗᐊᖅᑲᑎᒃ ᐅᖓᕙᕆᐊᖅᑕᐅᕕᒃᓴᑐᐃᓐᓇᕆᐊᖃᕋᔭᖅᑐᖅ. 

*ᐃᖅᑲᓇᐃᔭᒃᓴᖅᑖᖅᑐᖅ ᐸᐃᑉᐹᒥᒃ ᐸᓖᓯᒃᑯᓐᓂᑦ ᐸᓯᔭᐅᓚᐅᖅᓯᒪᓂᑰᓂᖃᙱᒃᑲᓗᐊᕐᒪᖔᖅ ᑐᓂᓯᔭᕆᐊᖃᕋᔭᖅᑐᖅ* 

ᑐᓂᓗᒍ ᐃᖅᑲᓇᐃᔮᕆᕙᓚᐅᖅᑕᖏᓐᓄᑦ ᑎᑎᕋᖅᓯᒪᔪᑦ?

ᐅᖃᕐᕕᒃᓴᖅ