ᑭᓲᒻᒪᑦ ᓇᔾᔨᐊᖑᓪᓗᑎᒃ ᐃᒥᐊᓗᒍᑕᐅᖃᑦᑕᕐᓯᒪᔪᓄᑦ ᐃᒥᐊᓗᒻᒧᑦ ᐃᑦᑕᑦᑕᐅᓯᒪᔪᑦ?
ᒪᐃ 27, 2020 2020-09-28 14:15ᑭᓲᒻᒪᑦ ᓇᔾᔨᐊᖑᓪᓗᑎᒃ ᐃᒥᐊᓗᒍᑕᐅᖃᑦᑕᕐᓯᒪᔪᓄᑦ ᐃᒥᐊᓗᒻᒧᑦ ᐃᑦᑕᑦᑕᐅᓯᒪᔪᑦ?
ᑭᓲᒻᒪᑦ ᓇᔾᔨᐊᖑᓪᓗᑎᒃ ᐃᒥᐊᓗᒍᑕᐅᖃᑦᑕᕐᓯᒪᔪᓄᑦ ᐃᒥᐊᓗᒻᒧᑦ ᐃᑦᑕᑦᑕᐅᓯᒪᔪᑦ?
ᑲᓇᑕᒥ ᐃᒥᐊᓗᒻᒧᑦ ᐃᑦᑕᑦᑕᐅᓯᒪᔪᓂᑦ ᐃᑲᔪᖅᑎᐅᕙᑦᑐᑦ ᓂᕈᐊᖅᓯᓯᒪᒻᒪᑕ ᑕᐃᒍᓯᓂᒃ ᐊᔾᔨᒌᓂᒃ ᐊᑐᖅᑕᐅᖃᑦᑕᕋᔭᖅᑐᓂᒃ. ᑕᐃᒍᓯ ᑲᓇᑕᒥ ᓇᔾᔨᐊᖑᓪᓗᑎᒃ ᐃᒥᐊᓗᒻᒧᑦ ᐃᑦᑕᑦᑕᐅᓯᒪᔪᑦ ᐊᑐᖅᑕᐅᓯᒪᓂᖃᕐᓂᖏᓐᓂᒃ ᖃᐅᔨᓴᕈᑎᖃᖃᑦᑕᖅᑐᓄᑦ ᑐᓴᐅᒪᑎᑦᓯᔩᑦ (CanFASD) ᓇᓗᓇᐃᒃᑯᑕᖓ.
ᕿᒥᕐᕈᒍᑕᐅᓯᒪᓪᓗᓂ ᐅᖃᐅᓯᖅᑕᖅ ᐊᑐᖅᑕᐅᕙᑦᑐᖅ ᓇᓗᓇᐃᕐᓯᒍᑕᐅᓯᒪᓪᓗᓂ ᐊᑑᑎᖃᑦᑕᕐᓂᖓᓂᒃ ᖃᕋᓴᖏᓐᓄᑦ ᑎᒥᖏᓐᓄᓪᓗ ᑭᒃᑯᑐᐃᓐᓇᐃᑦ ᓇᔾᔨᐊᖑᓪᓗᑎᒃ ᐃᒥᐊᓗᒍᑕᐅᖃᑦᑕᕐᓯᒪᔪᓄᑦ. ᓇᔾᔨᐊᖑᓪᓗᑎᒃ ᐃᒥᐊᓗᒍᑕᐅᖃᑦᑕᕐᓯᒪᔪᓄᑦ ᖃᓄᐃᒍᑕᐅᕙᑦᑐᖅ ᐃᓅᓯᓕᒫᖅ ᖃᓄᐃᒍᑕᐅᖃᑦᑕᕐᖓᑦ. ᑭᒃᑯᑐᐃᓐᓇᐃᑦ ᓇᔾᔨᐊᖑᓪᓗᑎᒃ ᐃᒥᐊᓗᒍᑕᐅᖃᑦᑕᕐᓯᒪᔪᓄᑦ ᐊᑐᓲᑦ ᐃᓚᖓᓂᒃ ᐱᓇᐃᓗᑕᕐᓂᑦ ᖃᐅᑕᒫᑦ ᐃᓅᓯᕆᕙᑦᑕᖏᓐᓂ, ᐊᒻᒪᓗ ᐃᑲᔪᖅᑕᐅᔭᕆᐊᖃᓲᖑᓪᓗᑎᒃ ᐊᐅᓚᓂᕆᔭᕆᐊᖃᓲᖏᓐᓂᒃ, ᑎᒥᒃᑯᑦ ᐃᓅᓯᖏᓐᓂ, ᐃᓕᓐᓂᐊᓂᕐᒥᒃ, ᐃᖅᑲᐅᒪᒍᓐᓇᕐᓂᖏᓐᓂᒃ, ᐃᑉᐱᒋᔭᐅᖃᑦᑕᕆᐊᖃᕐᓂᕐᒥᒃ, ᑐᑭᓯᐅᒪᖃᑦᑕᐅᑎᖃᑎᖃᖃᑦᑕᓂᕐᒥᒃ, ᐃᑉᐱᓐᓂᐊᒋᔭᖏᓐᓂᒃ ᐋᖅᑭᐅᒪᑎᑦᑎᓂᕐᒥᒃ, ᐊᒻᒪᓗ ᐃᓅᖃᑎᖏᓐᓄᑦ ᓇᔫᑎᖃᑦᑕᓂᕐᒥᒃ ᐊᑐᕈᓐᓇᖅᑕᓕᒫᖏᓐᓄᑦ ᐱᔪᓐᓇᑎᐊᕐᓂᐊᕐᖓᑕ. ᐊᑐᓂᑦ ᑭᒃᑯᑐᐃᓐᓇᐃᑦ ᓇᔾᔨᐊᖑᓪᓗᑎᒃ ᐃᒥᐊᓗᒻᒧᑦ ᐃᑦᑕᑦᑕᐅᓯᒪᔪᑦ ᐊᔾᔨᒌᖃᑦᑕᖏᒻᒪᑕ ᐊᒻᒪᓗ ᐱᔪᓐᓇᕐᓂᖃᐅᑦᑎᐊᖅᑐᑎᒃ ᐊᒻᒪᓗ ᐱᓇᐃᓗᑕᖃᐅᖃᑦᑕᕆᓪᓗᑎᒃ
ᐱᕈᖃᑎᒌᑦ ᐃᓄᐃᑦ ᖃᐅᔨᒪᔨᑕᖏᑦ ᓂᕈᐊᖅᓯᓚᐅᖅᓯᒪᔪᑦ: ᓇᔾᔨᓪᓗᑎᑦ ᐃᒥᐅᓗᒃᒧᑦ ᐃᑦᑕᖅᑕᐅᓯᒪᔪᑦ ᑕᐃᒍᓯᒥᑦ. ᑕᐃᒍᓯ ᑖᓐᓇ ᓂᕈᐊᖅᑕᐅᓯᒪᔪᖅ ᑕᐃᒪᖑᒻᒪᑦ ᐃᒥᐊᓗᒻᒧᑦ ᖃᓄᐃᒍᑎᑖᕐᓂᖓᓄᑦ.
ᓇᔾᔨᐊᖑᓪᓗᑎᒃ ᐃᒥᐊᓗᒍᑕᐅᖃᑦᑕᕐᓯᒪᓪᓗᑎᒃ ᐃᑦᑕᔅᓯᒪᔪᑦ ᐃᓅᓯᓕᒫᖅ ᖃᓄᐃᒍᑕᐅᖃᑦᑕᕐᖓᑦ ᐊᑑᑎᓯᒪᒍᓐᓇᖅᑐᖅ ᖃᕋᓴᖓᓄᑦ ᑎᒥᖓᓄᓪᓗ. ᐊᑐᓂᑦ ᑭᒃᑯᑐᐃᓐᓇᐃᑦ ᓇᔾᔨᐊᖑᓪᓗᑎᒃ ᐃᒥᐊᓗᒍᑕᐅᖃᑦᑕᕐᓯᒪᔪᓄᑦ ᐃᑦᑕᑦᑕᐅᓯᒪᔪᑦ ᐱᔪᓐᓇᕐᓂᖃᐅᑦᑎᐊᖅᑐᑦ ᐱᓇᐃᓗᑕᖃᐅᖃᑦᑕᖅᑐᑎᓪᓗ. ᑭᒃᑯᑐᐃᓐᓇᐃᑦ ᓇᔾᔨᐊᖑᓪᓗᑎᒃ ᐃᒥᐊᓗᒍᑕᐅᖃᑦᑕᕐᓯᒪᔪᓄᑦ ᐃᑲᔪᖅᑕᐅᖃᑦᑕᕆᐊᖃᓲᑦ ᐊᔾᔨᒌᙱᑐᒡᒍᑎᓂᑦ ᐃᓅᓯᖏᓐᓂᑦ.
ᑲᓇᑕᒥ ᓇᔾᔨᐊᖑᓪᓗᑎᒃ ᐃᒥᐊᓗᒍᑕᐅᖃᑦᑕᕐᓯᒪᔪᓄᑦ ᖃᓄᐃᒍᑎᓕᓐᓄᑦ ᐃᓚᒌᑦ ᖃᐅᔨᒪᔨᑕᐃᑦ ᑲᑎᒪᔨᕋᓛᑦ
ᓯᓚᕐᔪᐊᓕᒫᒥ ᓇᒥᑐᐃᓐᓇᑦᓯᐊᖅ ᐃᒥᐊᓗᑦᑕᓕᒻᒥ ᐊᑐᐃᓐᓇᓕᓐᓂᒃ ᐃᒥᐊᓗᒻᒧᑦ ᐃᑦᑕᑦᑕᐅᓯᒪᔪᖃᕈᓐᓇᖅᑐᖅ. ᖃᐅᔨᒪᔪᕐᔪᐊᑦ ᓇᓗᓇᐃᕆᓯᒪᔪᑦ 4%ᖑᒋᐊᖏᑦ ᐃᓄᒋᐊᓂ ᑲᓇᑕᒥ ᐃᒥᐊᓗᒻᒧᑦ ᐃᑦᑕᑦᑕᐅᓯᒪᓂᖃᕐᓂᖏᓐᓂᒃ.