ᐃᓄᐃᑦ ᖃᐅᔨᒪᔨᑕᕗᑦ ᓂᕈᐊᖅᓯᓚᐅᖅᓯᒪᔪᑦ ᑐᙵᕕᒃᓴᖏᓐᓂᒃ ᐱᕈᖃᑎᒌᒃᑯᑦ:

ᑕᒪᑦᑕ: ᑲᓲᒪᖃᑎᒌᓐᓂ; ᐃᓘᓐᓇᑕ

ᑐᙵᓇᕐᓂᖅ - ᑐᙵᓇᕐᓂᖅ ᐅᖃᕐᕕᒋᔭᔅᓴᐅᑎᐊᕐᓗᑕ, ᑐᙵᓇᕐᓗᑕ ᐃᓚᓕᐅᔾᔨᓯᒪᓗᑕᓗ

ᐊᒻᒪᓗ ᐃᓅᖃᑎᒌᑦᓯᐊᕐᓂᖅ - ᓂᑲᒍᓱᓐᓂᖅ ᐊᓯᑦᑎᓐᓂᒃ, ᐃᓚᖃᐅᓯᕐᓂᑦ ᐊᒻᒪᓗ ᐃᑉᐱᒍᓱᓐᓂᖅ ᐊᓯᑦᑎᓐᓂᒃ

ᑕᒪᒃᑯᐊ ᐅᑉᐱᕆᔭᐅᔪᑦ ᐃᑲᔫᑎᖃᕐᖓᑕ ᓄᓇᕗᒻᒥᐅᓄᑦ ᐃᑦᑕᑦᑕᐅᓯᒪᒍᑎᓕᓐᓄᑦ, ᑭᓯᐊᓂ ᐃᑲᔫᑎᖃᕐᒥᔪᑦᑕᐅᖅ ᐸᓚᕐᓯᐅᒥᑎᑦᑎᓂᕐᒥᒃ ᑕᓗᕈᒃᑯᑎᓂᕐᒥᒃ, ᐸᓯᑦᑎᓂᕐᒥᒃ ᐱᑦᑕᐃᓕᓂᕐᒥᓪᓗ ᐊᕐᓇᓄᑦ ᐃᓐᓇᕐᓄᑦ ᐃᓅᓱᑦᑐᓄᓪᓗ ᐊᑐᕐᓯᒪᔪᓂᑦ ᐃᒥᐊᓗᒻᒥᒃ ᐊᓯᖏᓐᓂᓪᓗ ᐋᖓᔮᕐᓇᖅᑐᓂᑦ ᓇᔾᔨᑎᓪᓗᒋᑦ.

ᐊᑐᓂᑦ ᑲᒪᒋᔭᔅᓴᖃᕋᑦᑕ ᐃᑉᐱᒋᖃᑦᑕᐅᑎᖃᑦᑕᕆᐊᖃᖅᑐᑕ ᐊᒻᒪᓗ ᐊᑐᖅᑎᑦᑎᒋᐊᒃᑲᓐᓂᖃᑦᑕᕐᓗᑕ ᓴᐃᒪᖃᑎᒌᓐᓂᕐᒥᒃ ᐊᒻᒪᓗ ᐃᓅᓯᖃᑦᑎᐊᓂᕐᒥᒃ.