ᐱᕈᖃᑎᒌᑦ ᑲᑎᖅᓱᐃᕕᖓᑦ ᓂᕆᐅᒋᔭᓖᑦ ᓄᓇᕗᒻᒥᐅᑦ ᖃᕋᓴᖓᒍᑦ ᐱᔾᔪᑎᓕᓐᓂᒃ ᐃᓅᓯᖃᑦᓯᐊᖁᓪᓗᒋᑦ ᐊᒻᒪᓗ ᐃᓚᓕᐅᔾᔭᐅᓯᒪᖁᓪᓗᒋᑦ ᐃᓕᓴᕕᓐᓄᑦ, ᐃᖅᑲᓇᐃᔭᕐᕕᓐᓄᑦ ᐊᒻᒪᓗ ᓄᓇᓕᓐᓂ ᐃᓚᒋᔭᑎᑕᐅᓗᑎᒃ. ᓂᕆᐅᒋᔭᖃᖅᑐᒍᑦ ᐱᔨᑦᓯᖃᑦᑕᖅᑐᓂᒃ ᑐᑭᓯᐊᓕᖁᓪᓗᒋᑦ ᖃᕋᓴᖓᒍᑦ ᐱᔾᔪᑎᖃᖅᑐᑦ ᒥᒃᓵᓄᑦ ᐱᕕᖃᖅᑎᑕᐅᒍᓐᓇᖁᓪᓗᒋᑦ ᐃᑉᐱᒋᔭᐅᑦᓯᐊᕐᓗᑎᒃ, ᐊᔾᔨᒌᑎᑕᐅᖁᓪᓗᒋᑦ, ᐊᒻᒪᓗ ᐃᓚᓕᐅᔾᔭᐅᖁᓪᓗᒋᑦ ᓄᓇᕗᒻᒥᐅᑦ ᐃᓪᓕᐊᒥ ᐃᒥᐊᓗᒻᒧᑦ ᐃᑦᑕᑦᑕᐅᓯᒪᓂᖃᖅᑐᑦ/ᐊᓯᖏᓪᓗ ᖃᕋᓴᖓᒍᑦ ᐱᔾᔪᑎᖃᖅᑐᑦ ᐊᒻᒪᓗ ᐃᓚᔮᖏᑦ.

ᐊᑐᐃᓐᓇᐅᑎᑦᓯᓂᐊᖅᑐᒍᑦ ᖃᐅᔨᔭᐅᓯᒪᔪᓂᑦ, ᐃᓄᐃᑦ ᑐᑭᒧᐊᑎᑦᓯᓗᑎᒃ ᐊᒻᒪᓗ ᐅᔾᔨᖅᓱᑦᑎᐊᕐᓗᑎᒃ, ᐃᓕᓴᐅᑎᒃᓴᓂᒃ, ᐃᑲᔫᑎᒃᓴᓂᒃ ᐊᒻᒪᓗ ᐃᑲᔪᕐᓗᒋᑦ ᓄᓇᕗᒻᒥᐅᑦ ᖃᕋᓴᖓᒍᑦ ᐱᔾᔪᑎᖃᖅᑐᓂᒃ ᐊᒻᒪᓗ ᐃᓚᔮᖏᑦ ᐃᓅᓯᓕᒫᖏᓐᓄᑦ. ᐱᕈᖃᑎᒌᑦ ᑐᑭᒧᐊᑎᑦᓯᔨᐅᓂᐊᖅᑐᑦ ᐋᖅᑭᒃᓱᐃᓗᑎᒃ ᐊᑐᐃᓐᓇᕈᐃᓗᑎᒃ ᐃᑲᔪᕈᑎᒃᓴᓂᒃ ᖃᐅᔨᓴᖅᑕᐅᓯᒪᔪᓂᑦ, ᓄᓇᖅᑲᑎᖏᓐᓄᑦ ᐃᓕᓴᑎᑦᓯᓗᑎᒃ ᑭᓲᓂᖓᓂᒃ ᐃᓪᓕᐊᒥ ᐃᒥᐊᓗᒻᒧᑦ ᐃᑦᑕᑦᑕᐅᓯᒪᓂᖅ ᐊᒻᒪᓗ ᖃᕋᓴᖓᒍᑦ ᐱᔾᔪᑎᖃᖅᑐᑦ ᐊᒻᒪᓗ ᐃᓕᓐᓂᐊᖅᑐᓕᕆᖃᑦᑕᖅᑐᓄᑦ ᓄᓇᓕᓐᓂ, ᑲᑐᔾᔨᖃᑎᒌᓄᑦ ᐊᒻᒪᓗ ᐱᕕᖃᖅᑎᑦᓯᖁᓪᓗᒋᑦ ᐊᑐᐊᒐᓕᐅᖃᑦᑕᖅᑐᑦ, ᖃᐅᔨᒪᓂᖃᖅᑐᓂᒃ ᓄᓇᕗᒻᒥᐅᓂᑦ.

ᐱᕈᖃᑎᒌᑦ ᑲᑎᕝᕕᖓᑕ ᐃᓄᐃᑦ ᖃᐅᔨᒪᔨᑕᖁᑎᖏᑦ ᐃᑲᔪᕐᓰᓪᓚᕆᒻᒪᑕ ᓴᖅᑭᔮᖅᑐᒥᒃ ᐅᖃᐅᓯᖃᖃᑦᑕᕆᐊᖃᕐᓂᕐᒥᒃ ᐃᑦᑕᑦᑕᐅᓯᒪᔪᓂᑦ ᓂᑲᓇᖅᑐᓂᑦ ᐊᒻᒪᓗ ᒪᑭᒪᓂᖏᓐᓂᒃᑐᙵᕕᓕᓐᓂᑦ, ᑕᐃᒫᒃ ᓄᓇᕗᒻᒥᐅᑦ ᑲᖐᓇᖅᑐᓂᑦ ᓇᓗᓇᐃᖅᑕᐅᓯᒪᔪᓂᓪᓗ ᐃᑦᑕᑦᑕᐅᓯᒪᒍᑎᓖᑦ ᐃᑲᔪᖅᑕᐅᖃᑦᑕᕈᓐᓇᓂᐊᕐᖓᑕ ᐊᑲᕐᕆᑎᑕᐅᖃᑦᑕᓂᐊᕐᖓᑕᓗ ᐃᑲᔪᖅᑕᐅᔾᔪᑎᒋᒋᐊᖃᖅᑕᔅᓴᕆᔭᖏᓐᓂᒃ ᑕᓗᕈᒃᑯᑎᙱᓪᓗᑎᒃ ᐅᕝᕙᓘᓐᓃᑦ ᐱᑦᑕᐃᓕᙱᓪᓗᑎᒃ.

ᐊᕐᕌᒍ 2018ᖑᑎᓪᓗᒍ ᐱᖓᓱᓂᒃ ᐅᓪᓗᓂᒃ ᖃᐅᔨᒪᔭᑦᑎᓐᓂ ᑲᑎᒪᓂᖃᓚᐅᖅᓯᒪᔪᒍᑦ, ᐃᓄᐃᑦ ᓄᓇᖅᑲᑎᕗᑦ ᑐᑭᒧᐊᑦᑎᑦᓯᔨᒋᓪᓗᒋᑦ ᖃᐅᔨᒪᔨᑕᕆᓪᓗᒋᑦ ᐱᕈᖃᑎᒌᑦ ᑲᑎᕝᕕᖓᑦ ᐊᒻᒪᓗ ᖃᓄᖅ ᐊᐅᓚᓂᖃᕐᓂᐊᕐᓂᖓᓂᒃ ᐋᖅᑭᒃᓱᐃᖃᑎᒌᓪᓗᒋᑦ. ᐃᓚᖏᑦ ᐃᓄᐃᑦ ᓱᓕ ᖃᐅᔨᒪᔨᑕᕆᔭᕗᑦ ᐅᓪᓗᒥᒧᑦ ᐊᒻᒪᓗ ᐃᓄᒃᑎᑑᓕᕆᖃᑦᑕᖅᑐᒍᑦ ᐃᓕᓴᐅᑎᒃᓴᓂᒃ.

ᑲᑎᒪᓂᖃᖅᑎᓪᓗᑕ ᖃᐅᔨᒪᔭᒃᑎᓐᓂᒃ ᐃᓚᐅᓚᐅᖅᓯᒪᔪᑦ:
ᐊᓂ ᓇᐸᔪᖅ, ᐊᓂ ᓇᑖᖅ, ᓴᐃᒪᓐ ᓇᑖᖅ, ᓇᐅᓪᓚᖅ ᓵᒋᐊᖅᑐᖅ, ᐊᐃᒥ ᓗᐃᔅ, ᓱᕕᓇᐃ ᒪᐃᒃ, ᕗᕋᓂᑲ ᐊᑕᒍᔪᒃ ᐊᒻᒪᓗ ᓄᐊ ᓄᐊ.