ᑐᑭᓯᐊᒍᑎᒃᓴᐃᑦ ᐊᔾᔨᒌᑎᑕᐅᓂᕐᒥᑦ
ᔫᓂ 11, 2020 2020-09-17 1:44ᑐᑭᓯᐊᒍᑎᒃᓴᐃᑦ ᐊᔾᔨᒌᑎᑕᐅᓂᕐᒥᑦ
ᑐᑭᓯᐊᒍᑎᒃᓴᐃᑦ ᐊᔾᔨᒌᑎᑕᐅᓂᕐᒥᑦ
ᐊᔾᔨᒌᑎᑕᐅᓂᖅ ᑐᑭᓕᒃ ᐃᓚᓕᐅᔾᔭᐅᑦᓯᐊᕐᓂᖅ, ᖃᓄᖅᑑᖅᑕᐅᔪᑦ ᐊᔾᔨᒌᒥᒃ ᐃᓚᓕᐅᔾᔭᐅᑦᓯᐊᖁᓪᓗᒋᑦ (ᐃᒥᐊᓗᒻᒧᑦ ᐃᑦᑕᑦᑕᐅᓯᒪᔪᑦ) ᐃᓚᓕᐅᔾᔭᐅᒐᔪᙱᓐᓂᖏᓐᓄᑦ ᖃᐅᔨᔭᐅᓯᒪᒻᒪᑕᑦ ᐊᑐᖅᑕᐅᓯᒪᓪᓗᓂᓗ ᐊᔾᔨᒌᙱᑦᑐᒥᒃ ᑕᑯᓐᓇᖅᑕᐅᓂᖏᓐᓄᑦ.
ᐃᓛᓐᓂᒃᑯᑦ ᐃᓄᓕᒫᑦ ᐊᔾᔨᒌᒥᒃ ᐱᐅᓯᖃᕐᕕᐅᔭᕋᐃᒻᒪᑕ (ᐊᔾᔨᒌᒥᒃ), ᐊᔾᔨᒌᙱᓐᓂᖏᓐᓄᑦ ᑐᕌᖃᑦᑕᓲᖑᙱᒻᒪᑕ. ᑕᒪᓐᓇ ᐱᔪᓐᓇᕐᓂᖏᓐᓂᒃ ᓈᒻᒪᒍᓐᓃᑎᑦᑎᓯᒪᒍᓐᓇᕐᖓᑦ. ᓈᒻᒪᑦᑐᒥᒃ ᐊᑐᖅᑎᑦᑎᓂᖅ ᐊᑐᖅᑎᑦᑎᓲᖑᒻᒪᑦ ᐃᓚᓕᐅᔾᔨᓯᒪᓂᕐᒥᒃ ᐃᓘᓐᓇᖏᓐᓂᒃ ᐃᓄᓕᒫᑦ ᐱᖃᑕᐅᔪᓐᓇᓂᐊᕐᖓᑕ ᐊᒻᒪᓗ ᐃᑲᔪᖅᑕᐅᔾᔪᑎᒋᒋᐊᓕᖏᓐᓂᒃ ᐃᑲᔪᖅᑕᐅᓗᑎᒃ, ᑐᑭᓯᐅᒪᓯᓐᓈᕐᓗᑎᒃ ᐊᔾᔨᒌᙱᓐᓂᖏᓐᓂᒃ ᐃᓱᒪᒋᓪᓗᒋᑦ ᐱᔪᓐᓇᕐᓂᖅ ᐊᒻᒪᓗ ᐊᑲᕐᕆᔮᕈᑎᖃᕐᓂᖅ. ᓈᒻᒪᑦᑐᒥᒃ ᐃᖅᑲᐃᑎᑦᑎᒍᑎᐅᖃᑦᑕᕐᖓᑦ ᑭᒃᑯᑐᐃᓐᓇᕐᓄᑦ ᐊᑑᑎᖃᖅᑐᐃᓐᓇᐅᓂᑦᑎᓐᓂᒃ ᐊᒻᒪᓗ ᐃᓅᓪᓗᑕ ᐱᔪᓐᓇᐅᑎᕗᑦ ᐃᓱᒪᒋᔭᐅᖃᑦᑕᕆᐊᖃᕐᖓᑕ ᐊᓯᑦᑎᓐᓄᑦ ᖃᖓᓕᒫᖅ.
ᑭᒃᑯᑐᐃᓐᓇᐃᑦ ᑲᖐᒋᔭᐅᓯᒪᔪᑦ ᐊᒻᒪᓗ ᓇᓗᓇᐃᖅᑕᐅᓯᒪᔪᑦ ᓇᔾᔨᐊᖑᓪᓗᑎᒃ ᐃᒥᐊᓗᒍᑕᐅᖃᑦᑕᕐᓯᒪᔪᑦ ᐃᑦᑕᑦᑕᐅᓯᒪᔪᑦ ᐱᔪᓐᓇᐅᑎᖃᕐᖓᑕ ᐃᓚᒋᔭᐅᖃᑦᑕᕆᐊᖃᕐᓂᕐᒧᑦ ᓄᓇᖅᑲᑎᖏᓐᓂ, ᐃᓕᓐᓂᐊᕐᕕᐅᕙᑦᑐᓂᑦ, ᐊᒻᒪᓗ ᐃᖅᑲᓇᐃᔭᕐᕕᐅᕙᑦᑐᓂᑦ. ᖃᐅᔨᒪᒋᐊᑦᑎᐊᕐᓂᖅ ᐊᑐᐊᒐᕐᓂᑦ ᐊᒻᒪᓗ ᐱᓇᓱᐊᕈᑕᐅᕙᑦᑐᓂᑦ ᐃᒥᐊᓗᒍᑕᐅᖃᑦᑕᕐᓯᒪᔪᓂᑦ ᖃᐅᔨᒃᑲᖅᑕᐅᓯᒪᔪᓂᑦ, ᐃᓚᒋᔭᐅᓪᓗᑎᒃ ᐊᑲᕐᕆᕕᖃᖅᑎᑦᑎᕕᓐᓂᑦ ᐊᒻᒪᓗ ᐃᑲᔫᑎᓕᓐᓂᑦ ᐱᓕᕆᔾᔪᑎᓂᑦᓄ ᐊᒻᒪᓗ ᐊ ᓯᖏᓐᓂᒃ ᐃᑲᔫᑎᓕᓐᓂᑦ ᐊᑐᖅᑕᐅᔭᕆᐊᖃᕋᔭᖅᑑᔮᖅᑐᓂᑦ ᐱᔾᔪᑎᒋᓪᓗᒋᑦ ᑭᒃᑯᑐᐃᓐᓇᐃᑦ ᐱᔪᓐᓇᐅᑎᖏᑦ. ᑕᒪᒃᑯᐊ ᑭᒃᑯᑐᐃᓐᓇᐃᑦ ᓇᔾᔨᐊᖑᓪᓗᑎᒃ ᐃᒥᐊᓗᒍᑕᐅᖃᑦᑕᕐᓯᒪᔪᑦ ᐃᑦᑕᑦᑕᐅᓯᒪᔪᑦ ᐃᑲᔪᖅᑕᐅᑦᑎᐊᖃᑦᑕᑎᓪᓗᒋᑦ, ᐊᒥᓱᑦ ᐊᔪᙱᓐᓂᖏᑦ ᑐᓐᓂᖅᑯᓯᐊᕆᓯᒪᔭᖏᑦ ᐊᒻᒪᓗ ᒪᑭᑕᓂᖏᑦ ᓴᖅᑭᔮᕈᓐᓇᑎᐊᕐᖓᑕ. ᐃᓛᓐᓂᒃᑯᑦ ᑭᒃᑯᑐᐃᓐᓇᐃᑦ ᐊᔾᔨᒌᙱᑦᑐᓂᑦ ᐱᓕᕆᔾᔪᑎᔅᓴᖃᕆᐊᖃᓲᖑᒻᒪᑕ ᐋᖅᑭᔅᓱᐃᓂᐊᕐᖓᑕ ᐊᔾᔨᒌᑎᑦᑎᓂᕐᒥᒃ: ᓈᒻᒪᑦᑐᒥᒃ = ᐊᔾᔨᒌᑎᑦᑎᓂᕐᒥᒃ.