ᐱᕈᖃᑎᒌᒃᑯᑦ ᐊᒃᓱᐊᓗᒃ ᖁᕕᐊᑉᐳᑦ ᐃᓄᓐᓄᑦ ᓯᕗᓪᓕᐅᔾᔨᔪᑦ ᑮᓇᐅᔭᖃᖅᑎᑦᓯᖃᑦᑕᖅᑐᑦ ᐊᕐᕌᒍᒃᑲᓐᓂᕐᒧᑦ ᑲᔪᓯᑎᑦᑕᐅᒻᒪᑦ, ᑭᒡᒐᖅᑐᐃᖏᓐᓇᕐᓂᐊᖅᑐᒍᑦ ᐃᓄᓐᓄᑦ ᓄᑕᕋᕐᓄᑦ ᒪᒃᑯᑦᑐᓄᓪᓗ ᐸᖅᑭᔨᖏᓐᓄᓪᓗ ᐊᑑᑎᖃᓪᓚᕆᓐᓂᖓᓂᒃ.

ᐃᓄᓐᓄᑦ ᓯᕗᓪᓕᐅᔾᔨᔪᑦ ᑮᓇᐅᔭᖃᖅᑎᑦᓯᖃᑦᑕᖅᑐᑦ

ᐅᖃᖅᓯᒪᕗᑦ ᑲᑐᔾᔨᖃᑎᒌᖑᔪᓂᑦ ᓲᕐᓗ ᐱᕈᖃᑎᒌᒃᑯᓐᓂᑦ  ᑭᓱᓕ ᑮᓇᐅᔭᖃᖅᑎᑕᐅᓛᕐᒪᖔᑕ ᐊᐅᓚᑦᓯᒍᑎᒃᓴᓂᒃ ᐊᕐᕌᒍᒧᑦ 2025-2026 ᐃᒫᓪᓚᕆᒃ ᐱᔨᒃᓯᕈᑎᒋᕙᑦᑕᑦᑎᓐᓄᑦ, ᐃᓕᓐᓂᐊᑎᑦᓯᒍᑎᒋᕙᑦᑕᑦᑎᓐᓄᑦ ᐊᑑᑎᖃᓪᓚᕆᑦᑎᓪᓗᒋᑦ.

ᑮᓇᐅᔭᖃᖅᑎᑕᐅᖃᑦᑕᖅᑎᓪᓗᑕ ᐅᑯᐊ ᐊᑐᐃᓐᓇᐅᑎᕙᓚᐅᖅᑕᕗᑦ:

• ᓯᕗᕋᓇᖏᑦᑐᒥᒃ ᑐᙵᓇᖅᑐᒥᒃ ᐃᓂᖃᑦᓯᐊᖅᑎᑕᐅᒍᓐᓇᓚᐅᖅᑐᒍᑦ, ᐃᓕᓐᓂᐊᒐᒃᓴᓂᒃ, ᑭᒡᒐᖅᑐᐃᓪᓗᑕ ᐃᑲᔪᕆᐊᓕᓐᓂᒃ ᐊᒻᒪᓗ ᐃᓕᓴᐅᑎᒃᓴᓂᒃ ᐊᑐᐃᓐᓇᖃᖅᑐᑕ (ᐃᓪᓗᒥ ᐊᑐᖅᑐᐊᕈᓐᓇᖅᑎᑕᐅᓪᓗᑕ, ᐊᑭᓕᖅᓱᖅᑕᐅᓪᓗᑎᓪᓗ ᑕᖅᑭᑕᒫᖅᓯᐅᑎᑦ)
• ᐊᐅᓚᑦᓯᒍᓐᓇᖅᐸᓚᐅᖅᑐᒍᑦ ᖃᐅᔨᓴᖅᑎᓂᒃ ᓄᑕᖅᑲᓄᑦ ᐃᓪᓕᐊᒥ ᐃᑦᑕᑦᑕᐅᓯᒪᔪᓂᑦ ᖃᐅᔨᓴᕈᑎᓂᒃ ᐊᒻᒪᓗ ᐊᓯᖏᓐᓂᑦ ᖃᕋᓴᖓᒍᑦ ᐱᔾᔪᑎᓕᓐᓄᑦ ᖃᐅᔨᓴᕈᑎᐅᔪᓂᑦ
• ᐊᑭᓕᖅᓱᐃᕙᓚᐅᕐᒥᔪᑦ ᖃᐅᔨᓴᖅᑕᐅᒋᐊᓕᓐᓂᒃ ᖃᕋᓴᖓᒍᑦ ᐱᔾᔪᑎᖃᓪᓚᕆᑦᑐᓂᒃ
• ᑲᑐᔾᔨᖃᑎᒌᑉᐸᓚᐅᖅᑐᑦ ᐃᑲᔪᖅᓱᐃᖃᑦᑕᖅᑐᑦ ᐃᑉᐱᒍᓱᑦᓯᐊᖅᑐᑦ ᐱᔨᒃᓯᕈᑎᒃᓴᓂᒃ ᐋᔩᖃᑎᒌᖃᑦᑕᖅᑐᓂᒃ ᑭᒡᒐᖅᑐᐃᓂᐊᖅᑐᓂᒃ ᓄᑕᖅᑲᓂᒃ;
• ᐃᓄᓐᓄᑦ ᓯᕗᓪᓕᐅᔾᔨᕙᑦᑐᑦ ᑮᓇᐅᔭᖃᑦᑎᑦᓯᖃᑦᑕᖅᑐᑦ ᐃᑲᔪᖅᑕᐅᒋᐊᓕᓐᓂᒃ ᑎᑎᕋᕆᐊᓕᓐᓂᒃ ᐃᑲᔪᖃᑦᑕᓚᐅᕐᒥᔪᒍᑦ ᐃᓚᔮᕆᑦ ᐃᑲᔪᖅᑕᐅᖁᓪᓗᒋᑦ; ᐊᐅᓚᕆᐊᖃᖅᑐᓄᑦ ᐃᓚᔮᕆᑦ ᑲᑎᖓᖁᓪᓗᒋ; ᓂᕿᓄᑦ ᐊᒻᒪᓗ ᐊᓯᖏᓐᓂᑦ ᐱᔭᕆᐊᖃᖅᐸᑦᑐᓂᒃ; ᐊᓄᓐᕌᓂᒃ ᐊᒻᒪᓗ ᐅᑭᐅᖅᓯᐅᑎᒃᓴᓂᒃ; ᐃᓪᓗᒥᐅᑕᖅᑖᕆᐊᖃᕐᓂᕈᑎᒃ ᓄᑕᖅᑲᓄᑦ/ᒪᒃᑯᒃᑐᓄᑦ ᑐᕌᖓᔪᓂᑦ ᓲᕐᓗ ᐃᓪᓕᓐᓂ; ᐃᓕᖅᑯᓯᓕᕆᓂᕐᒧᑦ ᐃᑲᔪᕈᑎᒃᓴᓂᒃ ᐊᒻᒪᓗ ᐃᓕᓴᐅᑎᒃᓴᓂᒃ
• ᐊᑐᐃᓐᓇᖃᖃᑦᑕᓚᐅᕐᒥᔪᒍᑦ ᑎᒥᖓᓄᑦ ᐊᑑᑎᖃᖅᑐᓂᒃ, ᐱᙳᐊᕐᕕᐅᔪᓐᓇᖅᑐᓂᒃ, ᐊᓐᓄᕌᓄᑦ ᐊᒻᒪᓗ ᓂᕿᖃᑦᓯᐊᖃᑦᑕᖏᑦᑐᓄᑦ ᐃᓚᔮᕆᓄᑦ ᓄᑕᖅᑲᖏᑦ ᐃᑲᔪᖅᑕᐅᖁᓪᓗᒋᑦ ᑮᓇᐅᔭᖃᖅᑎᑦᓯᔨᓂᑦ ᐅᑕᖅᑭᑎᓪᓗᒋᑦ
• ᐃᓅᓯᓕᕆᕙᓚᐅᕐᒥᔪᑦ ᐃᓛᒃᑯᑦ ᐊᒻᒪᓗ ᐃᑲᔪᖃᑦᑕᓚᐅᕐᒥᔪᑦ ᐃᓚᔮᕆᓂᒃ ᐊᒃᓱᕈᓗᐊᖅᑎᓪᓗᒋᑦ ᐱᕈᖅᓴᐃᓂᕐᒥᑦ ᐊᒻᒪᓗ ᑐᑭᓯᔭᐅᒍᓐᓇᖅᑎᓐᓇᒋᑦ ᐃᓕᓐᓂᐊᖅᑐᓕᕆᔨᒃᑯᓐᓄᑦ, ᑎᒍᐊᖅᑕᐅᖃᑦᑕᖅᑐᓂᒃ, ᐃᖅᑲᖅᑐᐃᕕᓕᕆᔨᒃᑯᓐᓂᑦ, ᐊᓯᖏᓐᓂᓪᓗ ᐃᓚᔮᖏᑦ ᐱᔾᔪᑎᒋᓪᓗᒋᑦ.
• ᐃᓄᐃᑦ ᐃᓕᖅᑯᓯᖏᓐᓂᒃ ᐃᓕᓴᒐᒃᓴᓂᒃ ᐊᑐᐃᓐᓇᐅᑎᑦᓯᓲᑦ, ᐃᓄᓕᖅᑕᓂᒃ, ᐃᓄᐃᑦ ᐱᓕᒻᒪᒃᓴᐃᓂᕐᒥᑦ ᐱᕙᓪᓕᐊᑎᑦᓯᓂᕐᒥᑦ, ᐃᓄᒃᑎᑐᑦ ᐱᕙᓪᓕᐊᑎᑦᓯᓂᕐᒥᑦ, ᐃᓅᓂᕐᒥᑦ ᓄᓇᓕᑦᑎᓐᓂ.
• ᐊᑭᖃᖅᑎᑦᓯᖃᑦᑕᖏᑦᑐᑦᐊᑐᐃᓐᓇᐅᑎᑦᓯᖃᑦᑕᖅᑐᑦᐱᕕᖃᖅᑎᑕᐅᓪᓗᑎᒃᓄᑕᕋᐃᑦᐊᒻᒪᓗᐃᓚᔮᖏᑦᑎᒥᖏᓐᓄᑦᐃᑲᔫᑎᖃᖅᑐᓂᒃᐱᙳᐊᕐᕕᒋᓂᐊᖅᑕᖏᓐᓂᒃ
• ᐃᖅᑲᓇᐃᔭᖅᑎᖃᖅᑎᑕᐅᕙᑦᑐᑦᐱᕙᓪᓕᐊᑎᑦᓯᒍᒪᓪᓗᑎᒃ, ᐃᓄᐃᑦ ᖃᐅᔨᒪᔭᑐᖃᖏᓐᓂᒃ ᖃᐅᔨᒪᓂᖃᖅᑐᒥᒃ ᐊᒻᒪᓗ ᐱᓕᒻᒪᖅᓴᐃᒍᓐᓇᖅᑐᒥᒃ, ᐃᓄᒃᑎᑐᑦ ᐃᓚᓕᐅᔾᔭᐅᓗᓂ ᐃᑲᔪᖅᓱᐃᔨᐅᓪᓗᓂ ᓄᑕᕋᕐᓂᒃ ᐊᒻᒪᓗ ᒪᒃᑯᒃᑐᓂᒃ ᐃᓕᓴᕕᖓᓂ.
• ᐃᖅᑲᓇᐃᔮᖃᖅᑎᑕᐅᕙᑦᑐᖅ ᐃᓄᐃᑦ ᖃᐅᔨᒪᔭᑐᖃᖏᓐᓂᒃ ᖃᐅᔨᒪᔨᑕᕆᔭᐅᓂᐊᖅᑐᒥᒃ
• ᓄᓇᓯᐅᑎᖃᖅᑎᑕᐅᔪᑦ ᐊᑭᖃᖏᑦᑐᒥᒃ ᓇᒧᖓᐅᔨᒍᑎᒃᓴᖃᕈᓐᓇᖁᓪᓗᒋᑦ ᐊᒻᒪᓗ ᑖᓯᐅᑎᒃᓴᓂᒃ ᐊᑐᐃᓐᓇᖃᕈᓐᓇᖁᓪᓗᒋᑦ
• ᐊᓯᖏᓐᓂᓪᓗ ᐃᑲᔪᖅᓱᕈᓐᓇᖅᑐᓂᒃ ᐊᒻᒪᓗ ᐃᓕᓴᐅᑎᐅᒍᓐᓇᖅᑐᓂᒃ

ᐊᒥᓲᖏᑦᑐᒍᑦ ᐃᖅᑲᓇᐃᔭᖃᑎᒌᑦᑐᑕ ᑭᓯᐊᓂ ᐊᑐᐃᓐᓇᖃᖅᑎᑦᓯᒐᓱᐊᖅᑐᒍᑦ ᐱᔨᒃᓯᕈᑎᒃᓴᓂᒃ ᓄᓇᕗᒻᒥᐅᓄᑦ ᐊᑐᐃᓐᓇᐅᑎᑕᐅᖏᑦᑐᓂᒃ. ᐱᓗᐊᖅᑐᒥᒃ ᑐᑭᓯᔭᐅᒐᔪᖏᒻᒪᑕ ᐃᓪᓕᐊᒥ ᐃᒥᐊᓗᒻᒧᑦ ᐃᑦᑕᑦᑕᐅᓯᒪᓂᖅ ᐊᒻᒪᓗ ᐊᓯᖏᑦ ᖃᕋᓴᖓᒍᑦ ᐱᔾᔪᑎᖃᖅᑐᑦ, ᐃᓄᐃᑦ ᖃᐅᔨᒪᔭᑐᖃᖏᑦ ᐱᐅᓯᖏᑦ ᐊᑐᖅᑐᑎᒍ ᐃᓅᖃᑎᒌᑦᓯᐊᕐᓂᖅ ᐊᒻᒪᓗ ᑐᙵᓇᕐᓂᖅ.  ᑐᙵᕕᖃᖅᑐᒍᑦ ᐃᓄᐃᑦ ᖃᐅᔨᒪᔭᖏᓐᓂᒃ ᑲᑐᔾᔨᖃᑎᒌᓪᓗᑕ ᑕᒪᑦᑕ − ᑕᒪᑦᑕ ᐃᑲᔪᖅᑎᒌᓪᓗᑕ − ᐃᓕᓴᐃᖃᑦᑕᕐᒥᔪᒍᑦ ᑕᒪᒃᑮᓯᓂᕐᒥᑦ ᐃᓚᓕᐅᔾᔨᑦᓯᐊᕐᓂᕐᒥᑦ, ᐊᑐᐃᓐᓇᐅᑎᑦᓯᒋᐊᖃᕐᓂᕐᒥᑦ ᐃᓚᓕᐅᔾᔭᐅᓗᑎᒃ ᖃᕋᓴᖓᒍᑦ ᐱᔾᔪᑎᖃᖅᑐ.  ᐃᓅᒻᒪᑕᑦᑕᐅᖅᓯᒪᒍᓐᓇᕐᓂᕐᒥᑦ ᐅᖃᐅᓯᖃᖅᐸᑦᑐᒍᑦ ᐃᓅᖃᑕᐅᒍᒪᒻᒪᑕ ᐃᓚᓕᐅᔾᔭᐅᓯᒪᖁᓪᓗᒋᑦ ᓄᓇᖅᑲᑎᖏᓐᓄᑦ.

ᑐᓴᐅᒪᖁᔨᔪᒍᑦ ᑕᒪᒃᑯᐊ ᐊᑐᐃᓐᓇᐅᑎᖃᑦᑕᖅᑕᕗᑦ ᐱᓕᐊᕆᐊᕗᑦ ᑲᔪᓯᔪᐃᓐᓇᐅᖏᑐᐃᓐᓇᕆᐊᖃᕐᒪᑕ ᑮᓇᐅᔭᖃᖅᑎᑕᐅᖏᒃᑯᑦᑕ ᖃᐅᔨᒪᑎᑕᐅᖏᓐᓇᑦᑕᓗ ᑮᓇᐅᔭᖃᖅᑎᑕᐅᖃᑕᓚᐅᕐᓂᕗᑦ ᑲᔪᓯᑎᑦᑕᐅᓂᐊᕐᒪᖔᑕ. ᐊᓯᖏᑎᒍᑦ ᑐᒃᓯᕋᐅᑎᒃᑯᑦ ᑮᓇᐅᔭᓂᒃ ᕿᓂᕋᓗᐊᖅᑐᒍᑦ ᑭᓯᐊᓂ ᖃᐅᔨᒪᖏᑦᑐᒍᑦ ᐃᓚᖏᓪᓗ ᐃᖅᑲᓇᐃᔭᖅᑎᑦ ᓄᖅᑲᖅᑎᑕᐅᑐᐃᓐᓇᕆᐊᖃᖅᐳᑦ ᑮᓇᐅᔭᖃᖅᑎᑕᐅᔮᖏᒃᑯᑦᑕ ᐊᐅᓚᑦᓯᒍᑎᒃᓴᓂᒃ. Inuit ᐃᓄᐃᑦ ᓄᑕᕋᕐᓄᑦ ᑮᓇᐅᔭᖃᖅᑎᑦᓯᖃᑦᑕᓚᐅᕋᓗᐊᕐᒪᑕ ᖃᓄᓕᒫᖅ ᐃᓄᓐᓄᑦ ᓄᑕᕋᕐᓄᑦ ᐃᓚᔮᖏᓐᓄᓪᓗ ᑐᕌᖓᔪᓂᑦ  ᑮᓇᐅᔭᖃᖅᑎᑕᐅᑎᓪᓗᑕ ᑲᑐᔾᔨᖃᑎᒌᓐᓂᕗᑦ ᐊᐅᓚᑦᓯᓂᕗᑦ ᐱᕙᓪᓕᐊᑦᓯᐊᖅᑎᓚᐅᖅᑕᕗᑦ ᓄᓇᕗᒻᒥᐅᑦ ᐱᔨᑦᓯᕈᒪᒧ. ᑐᓴᖅᑎᑦᓯᓛᕆᕗᒍᑦ ᑐᓴᖅᑎᑕᐅᑐᐊᕈᑦᑕ ᑮᓇᐅᔭᖃᖅᑎᑦᓯᖃᑦᑕᓚᐅᖅᑐᑦ ᑲᔪᓯᓛᕐᒪᖔᑕ ᑮᓇᐅᔭᖃᖅᑎᑦᓯᒃᑲᓐᓂᓛᕐᒪᖔᑕ. ᖁᔭᓐᓇᒦᒃ ᑐᑭᓯᐊᒐᑦᓯ ᐊᒻᒪᓗ ᐃᑲᔪᖅᓱᖃᑦᑕᕋᑦᓯ ᐱᕈᖃᑎᒌᒃᑯᑦ ᑲᑎᖅᓱᐃᕕᖓᓐᓂᑦ.

Download the press release